Nurdin M Noer/KC Online.*

Déning NURDIN M. NOER

SINTEN seleresé leluhur “wong Cerbon” ingkang saniki keceluk sareng sebutan “Menusa Cerbon.” Awit Nusa Jawa ngalami zaman “menusa separoh wanara” nganti saniki, sampun gliwati éwuan taun lan tanah Jawi dados panggonan para sunan atawa wali lan dadosaken Jawi utawi kususé Tatar Cerbon dados “sarumban” utawi “campuran”.

Naskah-naskah karya agung Pangéran Wangsakerta, kadosdéné dibedharaken déning Ayatrohaedi teng lebet buku “Sundakala” Cuplikan Sejarah Sunda Berdasarkan Naskah-naskah “Panitia Wangsakerta Cirebon” (Pustaka Jaya, 2005).

Disebut “Naskah Wangsakerta” ngrujuk teng kumpulan naskah ingkang disusun déning Pangéran Wangsakerta sacara piyambek (pribadi) utawi déning “Panitia Wangsakerta”.

Miturut isi Pustaka Rajya Rajya i Bhumi Nusantara parwa (bagian) V sarga (jilid/naskah) 5 (gangsal) ingkang mangrupa daftar pustaka, seboten-botené wonten 1703 judul naskah, ingkang 1.213 antawisé mangrupa karya Pangéran Wangsakerta.

Unggal teng bebuka seratané Pangéran Wangsakerta sanatyasa nyampékaken prosesé diseraté naskah-naskah wau. Contohipun nalika nyerat Kitab Pustaka Pararatwan iBhumijawadwipa (Keratuwan/kerajaan di Tanah Jawa).

Pustaka pararatwan i bhumi jawadwipa sinerat sinusun mwang kadamel mami makering /lawan ninaya déning mami /pangéran wangsakherta / namaçidam abdul mohammad nasarudin pinaka panembahan charbon //
/hana pwékang sapinasuk marikānung panusun lawan manurat iti pustaka / tka ning tlasnya mwang paripūrna /pasamudaya lima welas wwang / sapinasuk mami yatiku /panembahan charbon neher raksanagara / purbanagara / anggadiraksa / singhanagara / anggadiprana / anggaraksa /ateher sang ahākawi sakéng banten neher sang mahākawi sakéng metawis neher sang mahākawi sakéng surabayéki / sang mahākawi sakéng sunda pajajaran sang mahākawi sakéng ghaluh / sang mahākawi sakéng ngarab swarnabhumi /lawan sakéng carbon /

Alihbasa : Pustaka Pararatwan i Bhumi Jawadwipa. Diserat, disusun lan didamel déning kawula lan réncang-réncang kelayan dipingpin déning kawula; Pangéran Wangsakerta, sareng wasta sah (resmi) Abdul Mohammad Nasarudin minangka Panembahan Carbon.

Anapon piyambeké ingkang kelebet penyusun lan penyerat naskah puniki nganti pesta lan sampurna, sedantené gangsalwelas tiyang, kelebet kawula, inggih punika, Panembahan Carbon lajeng Raksanagara, Purbanagara, Anggadiraksa, Singhanagara, Anggadiprana, Anggaraksa lan ulama saking Banten lajeng ulama saking Mataram lajeng ulama saking Surabaya, ulama saking Sunda Pajajaran, ulama saking Galuh, ulama saking Arab Swarnabhubmi sarta saking Cerbon.

Karya Panitia Wangsakerta
Naskah-naskah ingkang dikasilaken déning Panitia Wangsakerta saged digolongaken dados pinten-pinten judul :

1. Pustaka Rajyarajya i Bhumi Nusantara
2. Pustaka Pararatwan
3. Pustaka Carita Parahyangan i Bhumi Jawa Kulwan
4. Pustaka Nagarakretabhumi
5. Pustaka Samastabhuwana
6. Salinan kitab-kitab hukum Majapahit
7. Kumpulan carita, katha, dan itihasa
8. Pustaka perkawis raja desa lan raja alit
9. Salinan pinten-pinten naskah Jawa Kuna
10. Mahabharata
11. Kumpulan kathosana
12. Salinan prasasti
13. Salinan serat-serat perjangjiyan kekerabatan
14. Naskah crita para tiyang sadéyan
15. Naskah teng lebet pinten-pinten basa wewengkon sanés lan basa mancanegara
16. Kempalan widyapustaka (aneka ilmu)
17. Pustaka keislaman
18. Sarwakrama raja-raja Salakanagara
19. Sarwakrama raja-raja Tarumanagara
20. Sarwakrama raja-raja Galuh lan Pajajaran
21. Sarwakrama raja-raja Galuh
22. Sarwakrama raja-raja Jawa Tengah dan Timur
23. Raja-raja lan pengageng Majapahit
24. Raja-raja lan pengageng Bali
25. Raja-raja lan pengageng Janggala lan Kadiri
26. Raja-raja lan pengageng Sriwijaya
27. Raja-raja wewengkon Bali, Kadiri, lan Janggala
28. Salinan naskah-naskah karya Prapanca. (ana chandaké)***